४० दिनदेखि अस्पतालमा शव

नयाँ पत्रिका, बुटवल, १ साउन, लुम्बिनी अञ्चल अस्पतालमा ४० दिनदेखि बेवारिसे शव रहेको छ　। पहिचान हुन नसकेपछि बुटवल धागो कारखानानजिक भेटिएको शव अस्पतालमै राखिएको छ　।

बेवारिसे अवस्थामा गत २४ जेठमा भेटिएको शवको प्रकृति हेर्दा हत्या भएको आशंकासहित लुम्बिनी अस्पतालमा पोस्टमार्टमका लागि शव ल्याइएको थियो　।

करिब ४० वर्ष उमेरको देखिने सो शवको पहिचानका लागि रूपन्देही प्रहरीले देशभरिका सबै प्रहरी कार्यालयमा सूचना र वेबसाइटमा जानकारी राखे पनि कोही आफन्त आएका छैनन्　। भारतीय प्रहरीलाई पनि शवबारे जानकारी गराइएको रूपन्देही प्रहरीले जनाएको छ　।

अञ्चल अस्पतालमै चार दिनदेखि अर्को शवसमेत राखिएको छ　। रूपन्देहीको एकला-९ पडहरवामा ३० असारमा बेवारिसे अवस्थामा भेटिएको सो शवको पहिचान हुन नसकेको प्रहरीले जनाएको छ　।