कसले जित्ला वर्ल्डकप २०१० ?

राजु शाक्य, पूर्वकप्तान, राष्ट्रिय फुटबल टोली

ब्राजिल, जित्ने सम्भावना ७० प्रतिशत

इतिहास पल्टाउँदा ब्राजिल सधै वल्र्डकप विजेताका रूपमा लिने गरिन्छ　। सर्वाधिक पाँच वल्र्डकप उचालिसकेको ब्राजिल यो पटकको पनि पहिलो दाबेदार टोली हो　। हरेकपटक ब्राजिल क्वाटरफाइनलदेखि फाइनलसम्म पुगेको देखिन्छ　। उनीहरूको खेल स्तर निकै फरक छ　। यसपटक ब्राजिलको बलियो पक्ष भनेकै 'टिमवर्क' हो　।

ब्राजिलले पछिल्लो संस्करणमा स्टार खेलाडीको भरमा उपाधि जितेको थियो　। तर, जर्मनमा सम्पन्न विश्वकपमा त्यही स्टार खेलाडीले ब्राजिललाई डुबायो　। केही वर्षयता प्रशिक्षक डुंगाले स्टार खेलाडीलाई भन्दा पनि टिमवर्कमा बढी ध्यान दिँदै आइरहेका छन्　। फुटबलमा टिमको भावनामा खेल्दा सो टोली सफल भएको देखिन्छ　। यसकारण डुंगाको रणनीतिले काम गर्‍यो भने पक्कै पनि ब्राजिल नै छैटाँैपटकको विजेता बन्नेछ　। दक्षिण अपि|mकी महादेशको वातावरण तथा मैदानलाई नजिकबाट चिनेको पनि ब्राजिल हो　। किनकि, दुई वर्षअघि दक्षिण अपि|mकामा ब्राजिलले नै कन्फडेरेसन कप जितेको थियो　।

यसपटक टोलीमा स्टार खेलाडीको नाममा केवल काकामात्र छन्　। काकाको जादु चल्यो भने पनि ब्राजिलको चान्स बढी नै छ　। र, गोलरक्षक पनि योपालि बलियो नै छ　। इन्टर मिलानबाट खेल्ने क्यासेर अहिले नम्बर एक गोलरक्षका रूपमा छन्　। प्रशिक्षकको कुरै भएन　। डुंगा कुनै वेलाका राम्रा खेलाडी मात्र होइनन् उनी अहिलेका गतिला रणनीतिकार पनि हुन्　। उनले डिफेन्सलाइन बलियो बनाएका छन् 　। मिडफिल्डमा काका र रोबिन्हो छन्　। यसबाहेक टिम स्पिरिट अन्य टोलीभन्दा सबल मान्नुपर्छ　। यो टिमको कमजोर पक्ष भनेको राम्रो खेल्दाखेल्दै ओभर कन्पिmडेन्स तथा सिल्ली गेम खेल्नु हो　। मैले ब्राजिललाई ७० प्रतिशत जित्ने देखेको छु　।

अर्जेन्टिना, जित्ने सम्भावना ७० प्रतिशत

अर्जेन्टिना र ब्राजिल उत्तिकै चर्चित छन्　। अर्जेन्टिनाको सम्भावना पनि उत्तिकै देख्छु म त　।

विश्वकप छनोट चरणको अन्तिम खेलले मात्र विश्वकपको टिकट काटेको अर्जेन्टिनाले भने यसबाट पाठ सिक्दै आएको देखिन्छ　। विश्वकपमा अप्रत्यासित नतिजा सामना गर्दा अर्जेन्टिना छिट्टै बाहिरिएको इतिहास छ　। यसकारण अर्जेन्टिनालाई मैले 'अनलक्की' भन्ने गरेको छु　। विगतको तुलनामा योपटक अर्जेन्टिनाको मनोबल बढेको देख्छु　। विशेषगरी लियोनल मेसीको जादुमयी खेलका कारण अर्जेन्टिनाको 'मोरल' उच्च देखिन्छ　। वर्तमान समयमा मेसी यस्ता खेलाडी हुन्, जसले खेलको रूप नै परिवर्तन गर्न सक्छन्　।

यो पटक अर्जेन्टिनाको अग्र तथा रक्षापंक्ति तगडा छ　। कार्लोस टेभेज, गोन्जाले हिगुएन तथा डिएगो मिलिटो जस्ता स्ट्राइकर छन् भने रक्षापंक्तिमा निकोलास ओटामेन्डिस, वाल्टर सामुएल, मार्टिन डेमिचेल्स तथा ग्राबिएल हेनिजले सम्हाल्नेछन्　।

विश्वकपको एकमात्र सन्तुलित टोली अर्जेन्टिनाको उपाधि जित्ने अर्को आधार भनेकै मोटिभेसन हो　। अझ टोलीका प्रशिक्षक डिएगो म्याराडोना उनीहरूका प्रेरणादायी तथा आदर्श खेलाडी हुन्　। म्याराडोना र मेसीको प्रेरणामा टोलीको मनोबल उच्च भएको देख्छु　। यसकारण अर्जेन्टिनालाई पनि ७० प्रतिशत नै दिन्छु　।

स्पेन, जित्ने सम्भावना ७० प्रतिशत

फिफा वरियतामा दोस्रो तथा युरोपका नम्बर एक टोली स्पेनलाई यो पालिको विश्वकप जित्न सक्ने सम्भावित टोलीका रूपमा लिएको छु　। घरेलु लिग निकै हाइस्टान्डर्डले गर्दा उनीहरूको खेल स्तर पनि विश्वस्तरीय नै छ　। मैदानमा वान टु पास तथा टफ खेल खेल्न रुचाउने स्पेन यतिखेर उत्कृष्ट र्फममा छ　। इंग्ल्यान्डपछिको फिट टिम भनेकै स्पेन हो　। डेभिड भिल्ला, सावी अलोन्सो, फर्नान्डो टोरेसजस्ता खेलाडी र्फममा रहनु भनेको स्पेनको मजबुत पक्ष हो　। र, सरकारले पनि खेलाडीलाई राम्रो सुविधा प्रदान गरेको छ　। राज्यले खेलाडीलाई महत्त्वपूर्ण मानेकै कारण टिमको आत्मविश्वास बलियो छ　। खेलाडी पनि राष्ट्रलाई विश्वकप उपाधि दिलाउनुपर्ने भावनासाथ दक्षिण अपि|mकामा खेल्नेछन्　।

दुई वर्षअघिको स्पेनले युरोकप जित्दा ग्राउन्ड पासमा बढी ध्यान दिएको थियो　। विश्वकपमा पनि सोही रणनीति अपनाउँदा स्पेन सफलै हुनेछ　। स्पेनको सम्भावना पनि ७० प्रतिशत नै हो　।

इंग्ल्यान्ड, जित्ने सम्भावना ६० प्रतिशत

विश्वकप जित्ने तेस्रो दाबेदार टोली भनेको इंग्ल्यान्ड हो　। किनकि, इंग्ल्यान्डसँग एकसेएक स्टार खेलाडी छन्　। टोलीभित्र एघारैजना खेलाडी इंग्लिस पि्रमियरसिप लिगबाट खेल्छन्　। वर्षभरि पि्रमियरसिपको उत्कृष्ट टोलीबाट खेलाडी सत-प्रतिशत फिट छन्　। फुटबलमा फिट खेलाडी हुन सकिएन भने राम्रो टोली भएर पनि हार्ने गर्छ　। मैले देखेको टोलीमा इंग्ल्यान्ड नै सबैभन्दा फिट टोली हो　। यसैले गर्दा उनीहरूको चान्स मैले देखेको छु　। अर्को शब्दमा भन्दा ब्यालेन्स टिम पनि इंग्ल्यान्ड नै हो　।

खेलाडी निकै हाइस्टान्डरका छन्　। उनीहरू टिमवर्कको भावनामा खेल्छन्　। पछिल्लो चार वर्ष पि्रमियरसिप लिगमा उत्कृष्ट प्रदर्शन गरेका वाइनी रुनी पनि इंग्ल्यान्डसँगै छ　।

मिडफिल्डका स्टेभन जेरार्ड, जोन टेरी, प|mयान्क लाम्पार्ड पनि स्ट्राइकरको भूमिकामा खेल्न सक्छन् । युरोपियन क्वालिफाइङमा सर्वाधिक गोल गरेको इंग्ल्यान्डले दक्षिण अपि|mकामा पनि सोही खेल देखाउने पक्षमा ढुक्क छु　। इंग्ल्यान्डलाई ६० प्रतिशत दिन चाहन्छु　।

फ्रान्स, जित्ने सम्भावना ६० प्रतिशत

यतिवेला प|mान्सेली टोलीमा प्ले मेकर जिनेदिन जिदानजस्ता खेलाडी छैनन्　। तर, युरो तथा वल्र्डकप उचालेको राष्ट्र प|mान्सले सुन्दर फुटबल खेल्दा विश्वकपमा बलियो दाबेदारी टोलीका रूपमा आउन सक्छ　। कप्तान थियरी हेनरी पनि घाइते भएकाले स्ट्राइकर पक्षमा कमजोर मान्नुपर्छ　। तर, विलियम गालासजस्ता खेलाडीको साथ पाउँदा टोलीको रक्षापंक्ति बलियो भएको मान्नुपर्छ　। टोलीमा खासै ब्यालेन्स देखिँदैन　। तैपनि प|mान्सको विश्वकप जित्ने चान्स ६० प्रतिशत छ　।

जर्मनी, जित्ने सम्भावना ५० प्रतिशत

विश्वकपमा जर्मनीलाई कमजोर टोलीका रूपमा लिन सकिन्न　। खराब र्फममा खेलाडी गुजि्ररहेको अवस्थामा पनि यसले विश्वकपमा तहल्का मच्चाएको छ　। यसै कारण पनि यसपालिको वल्र्डकपमा जर्मनीले त्यही इतिहास दोहोर्‍याएर विश्वकप हात नपार्ला भन्न सकिँदैन　।

जर्मनीको फिजिकल निकै राम्रो छ　। उनीहरू काउन्टर म्याच खेल्न रुचाउँछ　। यस प्रकारको रणनीतिमा विपक्षी टोली तलै पर्छ　। इतिहास र फरक खेल शैलीका कारण जर्मनीले अपि|mकामा राम्रो गर्नेमा विश्वस्त छु　। जर्मनतर्फ त्यति सपोट नभए पनि उसको ५० प्रतिशत चान्स छ　।

इटाली, जित्ने सम्भावना ५० प्रतिशत

डिफेन्डिङ च्याम्पियन इटाली पहिलेजस्तो स्ट्रोङ छैन　। स्पेन र इंग्ल्यान्डको तुलनामा इटाली बलियो देखिँदैन । तर, उनीहरूको रक्षापंक्ति निकै बलियो　छ । रक्षापंक्तिकै बलमा जर्मनीमा सम्पन्न विश्वकप उनीहरूले जिते　। नाम नचलेका खेलाडी भए पनि रक्षापंक्ति धारलाई सवल बनाउँदा अन्य टोलीलाई गोल गर्न निकै गाह्रो पर्छ　। युरोपमा इटाली फरक रणनीतिमा खेल्ने एक मात्र टोली हो　। मिडफिल्ड र स्ट्राइकर पक्ष कमजोर भए पनि इटालीको चान्स ५० प्रतिशत छ　।

पोर्चुगल, जित्ने सम्भावना ४० प्रतिशत

अघिल्लोपटकको विश्वकपमा स्टार खेलाडीको भरमा सेमिफाइनलसम्म पुगेको पोर्चुगलको पनि विश्वकप जित्ने सम्भावना उत्तिकै छ ।

युरोपमा सुन्दर फुटबल खेल्ने राष्ट्रको गणना हुँदा यसको पनि नाम अगाडि नै आउने गर्छ　। पछिल्लो संस्करणको तुलनामा त्यति गतिलो टोली नभए पनि उनीहरूसँग क्रिस्टियानो रोनाल्डोजस्ता स्टार खेलाडी छन् । यतिवेला रोनाल्डो उत्कृष्ट खेलाडीभित्र पर्छन्　। पोर्चुगलको उपाधि जित्ने अभियानमा रोनाल्डोको भूमिका महत्त्वपूर्ण छ　। पोर्चुगलको सम्भावना ४० प्रतिशत छ　।

दक्षिण अफ्रिका, जित्ने सम्भावना ४० प्रतिशत

आठ वर्षअघि दक्षिण कोरियाले घरेलुमैदान र समर्थककै बलमा सेमिफाइनलसम्म प्रवेश गरेको थियो　। घरेलुमैदान र समर्थक पाउँदा कमजोर टोलीले पनि उत्कृष्ट प्रदर्शन गरेको उदाहरण प्रशस्त छन्　। यसकारण दक्षिण अपि|mकाले पनि त्यसको भरपुर फाइदा उठाउने पक्षमा विश्वस्त छु　। मजबुत स्टामिना भएको टोली दक्षिण अपि|mकाको विश्वकप जित्ने मौका ४० प्रतिशत छ　।

जापान, जित्ने सम्भावना ४० प्रतिशत

अहिले एसियाको फुटबल स्तर निकै माथि उक्लिसकेको छ　। यसमा पनि जापानको स्तर निकै उच्च छ　। एसियाली राष्ट्रमध्ये जापानलाई विश्वकप उचाल्न सक्ने राष्ट्रका रूपमा लिन सकिन्छ　। जापानको खेलशैली ब्राजिलकै जस्तो छ　। एसियामा पि्रमियर डिभिजन मान्यता पाएको राष्ट्र पनि जापान मात्र हो　। उनीहरूको लेभल विश्वस्तरीय भइसकेको छ　। विश्व विजेताकै शैली पछ्याएको जापानले दक्षिण अपि|mकामा चामत्कारिक खेल खेल्न सक्छ । तर, जापानको मिडफिल्ड निकै राम्रो भए पनि डिफेन्स र स्ट्राइकर कमजोर मान्नुपर्छ　। लगातार तीनपटक विश्वकपमा सहभागी भएको जापान डिफेन्स र स्ट्राइकरकै कारण पहिलो चरणबाट बाहिरिएको थियो　। जापानको विश्वकप जित्ने चान्स ४० प्रतिशत छ　।

प्रस्तुतिः श्रीलोचन राजोपाध्याय