माओवादीद्वारा संविधानको मस्यौदा सार्बजनिक

१५ जेठ, काठमाडौं । एकीकृत नेकपा माओवादीले आफूले तयार पारेको नयाँ संविधानको मस्यौदा शनिबार अपरान्ह काठमाडौंमा सार्बजनिक गरेको । उपाध्यक्ष डा. बाबुराम भट्टराई संयोजकत्वको समितिले तयार पारेको मस्यौदा पूर्वनिर्धारित कार्यक्रमअनुसार खुलामन्चबाट सार्बजनिक गरिएको हो ।

खुलामञ्चमा आयोजित जनसभामार्फत् उपाध्यक्ष भट्टराईले ‘जनताको संघीय गणतन्त्रात्मक संविधान’ नाम दिइएको मस्यौदा सार्बजनिक गर्नुभएको हो ।

यसअघि गणतन्त्र दिवसको अबसरमा नयाँ संविधानको मस्यौदा देशैभरबाट सार्बजनिक गर्ने भनिए पनि तयारी पूरा नभएकोले राजधानीबाट मात्र सार्बजनिक गरिएको हो । माओवादीले जनताको धारणा बुझ्न आफूले तयार पारेको संविधानको मस्यौदा सार्बजनिक गरेको जनाएको छ ।