रेडियोको प्रसारण एक मिनेट बन्द

१६ जेठ, चितवन । प्रेसमाथिको आक्रमणको विरोधमा चितवनका सबै रेडियोहरुले आइतबार विहान एक मिनेट आफ्नो प्रसारण बन्द गरेका छन् । नेपाल पत्रकार महासंघ चितवनको आह्वानमा चितवनका सातवटा रेडियोहरुले विहान ७ बजेदेखि आफ्नो प्रसारण एक मिनेट बन्द गरेका हुन् ।

चितवनका छापा संचारमाध्यामहरुले पनि आइतबारको अङ्कमा प्रेस माथिको आक्रमणको विरोधमा सम्पादकीय खाली राखेका छन् ।

हिँजो एक समुहले नागरिक दैनिक बोकेको गाडीमा मान्छे ओर्लनै नदिई आगजनी गरेको थियो । आगजनीमा एकीकृत नेकपा माओवादीको भातृ संगठन वाईसीएलका कार्यकर्ता संलग्न रहेको भन्दै नेपाल पत्रकार महासंघले भत्र्सनासमेत गरेको छ । चितवनका झण्डै एकदर्जन मानवअधिकार संघसंगठनले पनि संयुक्त विज्ञप्ति जारी गरी दोषिलाई कडा कारवाही गर्न माग गरेको छ । (onlinekhabar)