रेल विस्फोटनमा ६५ को मृत्यु / २ सयभन्दा बढी घाइते

कान्तिपुर संवाददाता
काठमाडौ, जेष्ठ १४ - भारतको पश्चिम बंगालको मेदिनापुरमा यात्रुबाहक रेललाई लक्षित गरि गराइएको बम विस्फोटन हुँदा ६५ जनाको मृत्यु भएको छ भने २ सयभन्दा बढी घाइते भएका छन् । हवडाबाट मुम्बइतर्फ गइरहेको रेलको लाइनमा बम विस्फोटन गराइएको थियो ।

विस्फोटनबाट रेलका १३ बटा डिब्बा उछिटिएका थिए । ५ वटा डिब्बा पूर्णरुपमा क्षतिग्रस्त भएका छन् । माओवादीले रेल्वई लाइनमा विस्फोटन गराएको सुरक्षाअधिकारीले दाबी गरेको छ । तर अहिलेसम्म विस्फोटनको जिम्मा कसैले लिएको छैन ।