मायादेवी मन्दिरको दानपात्र चोरी

१६ जेठ, कपिलबस्तु । लुम्विनीस्थित मायादेवी मन्दिर परिसरमा रहेको दानपात्र चोरी भएको छ । लाखौं रकम रहेको आशंका गरिएको सो दानपात्र गएराति दक्षिणतर्फको ढोका खोली चोरी भएको लुम्विनी विकास कोषले जनाएको छ । सो दानपात्र बुद्धजयन्ती यता खोलिएको थिएन ।

चोरीमा संलग्न रहेको आशंकामा प्रहरीले पाँचजना सुरक्षागार्डलाई नियन्त्रणमा लिएको छ ।

दुई वर्ष अघि पनि मायादेवी मन्दिर परिसरको दानपात्र चोरी भएको थियो । चोरीमा संलग्न भएको भन्दै लुम्विनी विकास कोषले चार जना ग्रुप फोरका सुरक्षागार्डलाई निलम्बन गरेको थियो । (onlinekhabar)