शिक्षा कार्यालय रुपन्देहीमा ताला

१२ वैशाख, बुटवल । निजी विद्यालयले मनोमानी ढंगले शुल्क बढाउँदासमेत संबन्धित निकाय मौन रहेको भन्दै छ बिद्यार्थी संगठनहरुले आइतबार जिल्ला शिक्षा कार्यालय रुपन्देहीमा अनिश्चितकालीन तालाबन्दी गरेका छन् ।
अभिभावक संघ, नेविसंघ, अनेरास्ववियु, अखिल छैठौं, नेपाल क्रान्तिकारी बिद्यार्थी संघ, तराईमधेस बिद्यार्थी फ्रन्ट र मधेसी बिद्यार्थी फोरम लोकतान्त्रिकको संयुक्त टोलीले तालाबन्दी गरेका हुन् ।

बिद्यार्थीहरुले जिल्ला शिक्षा कार्यालय परिसरमा कोणसभा आयोजना गरी शुल्क बृद्धि तत्काल फिर्ता लिन निजी बिद्यालयहरुलाई आग्रह गरेका छन् ।

कोणसभामा अभिभावक संघ रुपन्देहिका सचिब प्रकाश खनाल, संयुक्त बिद्यार्थी सङ्घर्ष समितिका प्रकाश राना लगायतले शुल्क बृद्धि फिर्ता नगरीए कडा सङ्घर्षका कार्यक्रम सार्वजनिक गर्ने चेतावनी दिए । (अनलाइनखबर)